أثار توجيه مسؤول لدى النظام السوري دعوة للاجئين خارج حدود البلاد للعودة، سخط وسخرية عارمة بين المواطنين السوريين.
تداولت مواقع التواصل الاجتماعي إعلان معاون وزير الخارجية في حكومة النظام “أيمن سوسان”، مساء أمس الإثنين، عن مؤتمر عودة اللاجئين، وقد وجه رسالة للمهجرين الموجودين خارج سورية، داعيهم للعودة ومؤكدا أن “الوطن” بانتظارهم وأن “الدولة ستبذل كل الجهود لتسهيل عودتهم وتوفير سبل العيش، وذلك على الرغم من الظروف الصعبة”، بحسب زعمه.
وقد قوبل التصريح بوابل من التعليقات المستهزئة من رواد منصات التواصل الاجتماعي، ورصد المركز الصحفي السوري البعض منها، فقد علقت “بتول قيراطة” بسخرية قائلة: “البطاقة الذكية بانتظاركن لاتتأخروا عيشة بتجنن”، في حين علق ماهر سعدة” طيب ليش ما بتوفرو سبل العيش للمنقبرين الي مافيهن يهربو قصدي ما سافرو برا البلد يا استاذ ك ر”. وعلقت “أمينة خليل”: “ياريت توفرو سبل العيش يلي موجودين بالبلد لانو العالم ماتت من لجوع تركو يلي برا …. بكير ع رجعتن مابنصح عدوي يرجع ع سوريا بلوضع لحالي”
كما علقت “ميرنا زيادة”: أهم شي توفير سبل العيش. ليش قادرين تأمنو لهالمعترين اللي بالبلد حتى لسى تجيبو عالم من برا … لك مشان ربكم اسكتو احسن”، كما علق زين خليل “اي اي ناطرينك و دور الخبز والسكر والرز ناطرينك ليك ليك اخي المهجر تعا والله لتكيف ع دور المازوت ٠ليك نسيت قلك البطاقة الذكية ألوانا كتير حلوة أخضر وابيض واحمر واصفر لاطول ناطرينك”. كما علق مواطن باسم مستعار “بالدنيا مافي وفا “لك اي صحيح انو الوطن غالي بس عليم الله اذا بتفتحو طريق الهجرة لتلاقي تمثال صلاح الدين عم يركض معنا”، وعلقت رنا “بسرعة يا مغتربين الطوابير والبرد والغلاء والفوضى وجشع التجار وفشل الحكومة بتأدية واجباتها والعتمة بانتظاركم”.
تجدر الإشارة إلى أن مناطق سيطرة النظام تشهد حالة من الفوضى والفساد وغلاء المعيشة وانهيار الاقتصاد وانخفاض الدخل للفرد، في ظل أزمات شملت كافة المواد الأساسية، وسط إحصائيات متصاعدة للفقر والبطالة.
المركز الصحفي السوري
